(Psalms 32:8) Ang
Ginoo nag-ingon,“Tudloan ug tultolan ko ikaw sa dalan nga angay mong subayon.
Mao kini ang sulti sa
Dios nga iyang giyahan kadtong nagpailalom ug nangita kaniya pinaagi sa
paghinulsol ug pagsugid sa sala. Nagsulti usab siya unsaon pagkuha sa kalinaw dinha
sa iyang atubangan kung gusto kita mangayo ug pabor.
ANG PAGTUDLO SA DIOS KANATO. Tudloan kita
sa Ginoo sa iyang ipabuhat kanato ug tultolan kita niya sa agianan nga layo sa
kadaotan kay daghan kitag mga kaaway (PSALMS 27:11)
Tudloqn kita sa Dios sa
buot niyang ipabuhat kanato aron mahimo natong matuman ang iyang mga sugo.
Bug-oson niya ang
atoang kasingkasing sa pag-alagad kaniya. (PSALMS 86:11)
Kinahanglang hinumdoman
siya sa tanan natong buhaton aron tultolan kita niya sa matarong nga dalan.
(PROVERBS 3:6)
ANG PAGBANTAY SA DIOS KANATO. Kon maminaw kita sa Ginoo nga atong Dios ug buhaton nato ang
giisip niya nga matarong ug magtamod kita sa iyang mga sugo ug magtuman sa
tanan niyang ipabuhat kanato, dili kita niya kastigohon sa bisan unsang sakit.
(EXODUS 15:26)
Kon buhaton nato ang
mga tulomanon nga gipatuman niya kanato ingon man ang iyang mga sugo, hatagan kita
niyag ulan nga atong gikinahanglan sa hustong panahon aron ang yuta mohatag ug
abot ug ang mga kahoy mamunga. (LEVITICUS 26:8F)
Mamati kita, iyang
katawhan, ug tumanon gayod nato kini aron kita magmauswagon ug modaghan pag-ayo
didto sa tambok ug tabunok nga yuta asa kita ipahimutang sa Ginoo. (DEUTERONOMY
6:3)
Bisan wala pa kita
nakahinulsol sa atong mga sala, ang atong Dios naminaw nang daan, mopasaylo
gayod siya kanato ug tudloan dayon kita sa pagpailawom sa iyang kabubot-on. AMEN.
