Isaiah 45:22
“Tutok kamo kanako, ug
mangaluwas kamo, tanang mga kinatumyan sa yuta; kay ako mao man ang Dios, ug
wala nay lain.”
Kini nga panawagan sa Dios
usa ka pagdasig ngadto sa tanan nga moduol gayod kaniya kay Siya lamang ang
makatabang ug wala nay lain. Kung ang atong kasingkasing madala dinha sa
pagka-masulondon kang Kristo, motuman kita ug motoo sa iyang mga sugo kay Siya
lamang ang Dios ug wala nay lain pa.
ANG
DIOS UNANG NAGPAILA SA IYANG KATAWHAN.
Naghimo
siyag mga milagro ug timailhan ug uban pang makalilisang nga mga butang nga
atong nakit-an aron kita masayod nga ang Ginoo mao ang Dios ug wala nay lain.
(DEUTERONOMY 4:34F)
Gihatagan kita ug dakong
dungog ug gilig-on bisan pag wala kita makaila kaniya. (ISAIAH 45:5)
Tungod sa iyang dakong paghigugma
kanato, gihatag niya ang iyang bugtong Anak, Si Jesukristo, aron ang tanan nga
motuo kaniya dili malaglago mamatay. kondili makabaton hinuon sa kinabuhing
dayon. (JOHN 3:16)
UG
ANG IYANG KATAWHAN NAKAILA KANIYA. Mitubag Siya ,sa atong mga
pag-ampo pinaagi sa paghatag kanatog kadaogan ug pinaagi sa iyang kahibulongang
buhat, luwason kita niya. Karon kita nga nahimo niyang katawhan sa tibuok
kalibotan
misalig kaniya. (PSALM 65:5)
Masaligon kita nga modoul sa
atong Dios ug mangayo sa bisan unsa sumala sa iyang kabubut-on. (1 JOHN 5:14)
Misalig kita sa Ginoo, mihulat sa iyang panabang ug
saad nga siya maoy moluwas kanato ug namati siya kanato. (MICAH 7:7)
Ang Dios maoy maunongon
niining mga hiyas sa pagdapit kanato Ug Siya moluwas gayod uban ang hustisya. Sama
sa usa ka himalatyon nga tawo nga molantaw sda iyang mananambal sa ospital
alang sa ikahatag nga kaayohan sa gibati, kita usa molantaw sa atong Dios alang
sa atong kaluwasan uban ang lawom nga pag-angkon nga kita makasasala ug siya
lamang gayod ang makaluwas. AMEN
