Romans 2:7 “Kanila nga uban
sa pailub diha sa mga maayong pagbuhat, nagapangita sa himaya ug sa kadungganan
ug sa pagkadili mamatay, kanila magahatag siyag kinabuhi nga dayon.”
Ania ang pagpadayon sa
pailob sa paghimo ug maayo. Wala nagpasabot nga usa lamang kini ka buhat
kondili kadtong nagkinabuhi sa tibook isip ilang naandan nga hiyas.
.
Sa atong
pagpangandAM. Sa atong pagpangandam karon nga mahuptan ang
maong saad, atong papuy-on ang Balaang Espirito sa atong mga kasing-kasing
(ROMANS 8:11) pinaagi sa paglikay na sa pagkinabuhi sumala sa atong tawhanong
mga tinguha.
.
Maningkamot usab kita nga
samtang ania ang Balaang Espirito nato, atong ipadayag iyang mga gasa mga mao
ang: gugma, kalipay, kalinaw, pailob, kalooy, kaayo, pagkamatinud-anon,
pagkamapahiubsanon ug mapugnganon sa kaughalingon. (GALATIANS 5:22F). Kung wala
kanato ang Balaang Espirito, maglisod kita pagsabot niining maong mensahe kay
matugkad lamang kini sa espirituhanong paagi. (1 CORINTHIANS 2:14).
.
Sunod, atong huptan pag-ayo
ang saad sa Diyos nga banhawon kita niya sa iyang gahom. “Ug ang Dios nga
nagbanhaw sa Ginoo magabanhaw usab kanato pinaagi sa iyang gahum.” (1
CORINTHIANS 6:14)
.
SA ATONG PAGKABANHAW. Inig
abot anang panahona, “ang atong mga lawas nga madunot pagailisan unyag dili na
madunot, ug kining lawas nga mamatay pagailisan u dili na mamatay.” (1
CORINTHIANS 15:53). Pagkanindot kuptan angamaong saad.
.
Sa pagbanhaw sa Dios nato,
sa nalangkat na ang mga kasakit sa kamatayon, (naay hubad nga nag-ingon “kahapdos
sa kamatyon”), sanglit dili man gayud mahimo nga kita kapugngan na sa
kamatayon. (ACTS 2:24)
.
Sumala sa gisulat sa Biblia,
bulahan ug balaan kita nga makaambit sa nahaunang pagkabanhaw kay wala nay
gahom ang ikaduhang kamatayon. Uban sa atong Ginoo kita magahari sulod sa usa
ka libo ka tuig.
.
Magpadayon kita sa pag-gamot
sa atong pagtoo ni Kristo uban sa pailob nga magamadagayaon sa pagpasalamat.
AMEN
